永安？是的，永安。今次是25-28，12-21pm，一共有9個鐘，不多不少，但人工少三分一，好肉痛。不過，真係少辛苦二分一。而且，有我最愛的寶玲陪伴，哇，真開心。

第二次的第一日，同一個岡位，唔同拍擋，不太愉快。同我拍的永安阿姐，性格有些陰晴不定，很難捉摸，所以唔敢出聲，封口最安全。一時佢會話我做錯，但其實我係冇錯。一時佢又會好人，同我搭訕。唉，我做細，真係由佢玩。不過，聽日佢話我會拍大MAY姐，慶幸至極。大MAY姐樣子不可親，但真相係佢上次肯借錢過我，掃貨也。有點期待。

顧客們，仍未遇上惡型惡相的，但都冇好人。如果有美男子同帥男人就好了。未來三日，希望有眼福。仲有，唔好摺過五百次傘就好啦。不過，人流明顯少過上次。

第一日，報告完畢。